讀者投稿《X府宴客奶奶篇》
《結婚篇》
1）同個仔講，你唔好失禮人呀，禮金（即係男家比我阿媽果份）一千幾百唔小得架。
2）去到擺酒日，唔比背景貼「xx聯婚」，要酒樓換「X(佢個仔個姓）府宴客」原因係，佢覺得結婚男家出哂錢，憑咩落埋女家個姓。
3）証婚時，唔比外父做女家証婚人，原因係老公單親，男家証婚人係99，佢話2邊要襯返都係媽媽做証婚人，唔係阿仔冇老豆做証婚人會比人笑。
4）針茶比女家家姐姐夫時，迫阿仔叫「襟兄飲茶」。
5）佢堅持背景要換「X府宴客」跟手老公阿哥同大嫂可以上去影張相扮佢地結婚（老公阿哥結婚時冇擺酒）。
退一步海闊天高。